阿嬤的白頭鬃-陳以恩：安妮朵拉樂團

edushare

https://www.youtube.com/watch?v=RdIELLeiiTg
https://www.youtube.com/watch?v=pk44F6mmlMs

阿嬤的白頭鬃
詞/曲/Vocal:安妮 吉他/編曲:阿樊

故鄉的暗暝，總是有尚光的月娘
紅紅的庄仔厝，常常出現置阮夢中
是阿嬤手內抱著阮，站置亭仔跤
講著古早的故事，唱著古早的歌

阿爸跟阿母，置城市塊打拼
很久，很久，嘸識返來看我
是阿嬤手內牽著阮，叫阮要好好仔走
不管未來的路途是按怎，阮永遠是伊的心肝

阮是阿嬤的囝仔，伊用雙手把阮晟養大
阮一工一工大漢，伊越行腳步踏越慢

阮是阿嬤的囝仔，我跟伊兩個人來作伴
阮睏置伊的腳蔗背，抬頭就看見伊的白頭鬃 伊的白頭鬃

大漢的時陣，我嘛到城市去打拼
很久，很久，嘸識返去看阿嬤
出外走奔這多冬，才知影只有伊是尚疼我
想欲返去給伊擁，擱聽伊唱彼條囝仔歌

阮是阿嬤的囝仔，伊用雙手把阮晟養大
阮一工一工大漢，伊越行腳步踏越慢

阮是阿嬤的囝仔，我跟伊兩個人來作伴
阮睏置伊的腳蔗背，抬頭就看見伊的白頭鬃
阿嬤的白頭鬃
是我永遠的思念